Aktuality / Poďakovanie i pozvanie zo Srbska

 

Poďakovanie i pozvanie zo Srbska
 
Julijan Kovač, podpredseda regionálneho obvodu Ruskej matky, ktorý bol na návšteve Svidníka spolu s predsedom Svetového kongresu Rusínov Djurom Papugom zo Srbska, zaslal poďakovanie primátorovi mesta Jánovi Holodňákovi za prijatie vo Svidníku a zároveň zaslal aj pozvanie do Vojvodiny v Srbsku.              JM
 
Почитовани пан Холодняк,
 
Я Юлиян Ковач, член делегациї  хтора спред Рускей матки вєдно зоз паном Дюром Папуґом, паном Миломиром Шайтошовим и трома дзивками були у Вас 26.11.2011. року.
  
Гоч зоз значним запожнєньом, сцем Вам подзековац же сце нас так крашнє прияли и одвоєли тельо часу за розгварку зоз нами кед зме у Вас були.
 
Перше нашо стретнуце може буц лєм початок нашого, наздавам ше,   будуцого длугорочного сотруднїштва. С тей нагоди сцел бим Вас дакус вецей информовац о нас и о краю у хторим жиємє и робиме.
 
Три дзивки хтори участвовали на вашим фестивалу и я приходзиме зоз малого варошу хтори ше вола Шид и находзи ше у заходней часци региона Срим хтори состойна часц Автономнем Покраїини Войводина у Републики Сербиї. У самим варошу и околних валалох Бикич Дол, Бачинци и Беркасово жиє коло 1500 Руснацох.
Гоч таки малочислени ми с помоцу наших векших штредкох як цо то Руски Керестур и наших националних руских институцийох у Войводини трудзиме ше отримац наш руски национални индетитет, очувац и пестовац наш язик, традицию и културу. Тото з добрей мири посцигуєме през роботу у нашим Културно-просвитним Друштве "Дюра Киш" зоз Шиду и КУД "Иван Котляревски" зоз Бикич Долу.
 
Обидва нашо друштва маю свойо музични, фолклорни, шпивацки, литературни и спортски секциї.
 
Уж традицийно у Шиду ше першу соботу у септембре отримує музични фестивал тамбурових оркестрох под назву "Мелодиї Руского Двору". На фестивалу участвую оркестри зоз местох у Войводини дзе жию Руснаци, а трудзиме ше поволац и по єдєн госцуюци оркестер зоз иножемства. Так 2009 року у нас хосцовал ансабл зоз Камюнки.
 
Заинтересовани зме за сотруднїштво зоз нашима людзми зоз Вашого краю и як сом гварел у Вас най почнєме сотруднїштво у култури а вец го можеме розвивац и у економиї.
За вашу кратку информацию у нашим краю розвита польопривредна продукция и прерабяцки капацитети польопривредних продуктох.
 
  С почитованьом                                      Юлиян Ковач
                                                                     спред
                                                               КПД "Дюра Киш" Шид
 

 

   

 

2008 © Mesto SVIDNÍKrealizácia © GRAND STUDIO, s.r.o.